La Universitato de Navaro estas privata universitato apartenanta al Opus Dei kaj fondita en Pamplono (Navaro, Hispanio) en 1952 fare de José María Escrivá de Balaguer.
En la Universitato de Navaro eblas studi por 27 oficialaj titoloj kaj pli de 300 programoj de postlicenco en 10 fakultatoj, du altlernejoj, la IESE (Instituto de Superaj Studoj pri Entreprenado), du universitataj lernejoj, la ISSA (School of Management Assistants), kaj aliaj centroj kaj institucioj. La Biblioteko de la Universitato, enhavanta pli da 1,1 milionoj de volumenoj, havas unu el la plej grandaj kolektoj de Eŭropo.
Ĝi inkludas la Universitatan Malsanulejon de Navaro, kiu, enhavanta ĉirkaŭ 1.700 profesiulojn, zorgas pri pli da 100.000 malsanulojn jare. En 2004 oni inaŭguris la Centron de Aplikata Medicina Esplorado (CIMA) kie 300 esploristoj studas biomedicinon.
La Universitato de Navaro, kun la Universidad Europea de Madrid, la Universidad CEU San Pablo, la Internacia Universitato de Katalunio, la Universidad Católica de Valencia San Vicente Mártir kaj la Universidad Alfonso X el Sabio estas unu el la 6 privataj universitatoj kiuj en Hispanio estas rajtigitaj instrui oficialan lernadon pri Medicino.[1]
Kun la Publika Universitato de Navaro kaj la UNED la Universitato de Navaro estas unu el la tri universitatoj kiuj havas sidejon en la navara ĉefurbo.